- English
- नेपाली
कोशी प्रदेश, मोरङ, नेपाल
गर्वले तिराै कर, पाराै समुन्नत पथरी शनिश्चरे नगर
गर्वले तिराै कर, पाराै समुन्नत पथरी शनिश्चरे नगर
पथरीशनिश्चरे नगरपालिकाको संक्षिप्त परिचय
मोरङ जिल्लाको उत्तर पूर्र्वी क्षेत्रमा पूर्व पश्चिम राजमार्गसँग जोडिएका साबिक पथरी र शनिश्चरे गा.वि.स. लाई मिलाएरबि.सं. २०७१ सालमा पथरी शनिश्चरे नगरपालिका गठन भएको थियो । नेपाल सरकारबाट स्थानीय तहको पुनःसंरचना गर्ने क्रममा साविक हसन्दह गा.वि.स.लाई समेत मिलाएर मिति २०७३ फाल्गुन २७ गते हालको पथरीशनिश्चरे नगरपालिका स्थापना भएको हो । यस नगरपालिकाको जनसंख्या राष्ट्रिय जनगणना २०७८ को प्रारम्भिक नतिजा अनुसार ७२,६८९ रहेको छ।
भौगोलिक अवस्थिति
यो नगरपालिका पुर्ब–पश्चिम लोकमार्गको करिब ४ ( चार ) कि.मि. मा फैलिएको छ । पूर्बमा सु्नझोडा खोला र बक्राहा खोला तथा पश्चिममा डाँस मोरङ्गी खोलाले छुट्याएको छ । यस नगरपालिकाका बासिन्दाको मु्ख्य पेशा कृषि हो भने अन्यमा ब्यापार ब्यबसाय रोजगारी लगायत रहेको छ । यस नगरपालिकाभित्र बग्ने पथरीखोला मुख्य सिंचाईको श्रोत हो भने जाल्पा भुल्के देबि मन्दिर क्षेत्रको आसपासमा प्रशस्त सिमसार क्षेत्र रहेको छ जो पर्यटकीय दृष्टिकोणबाट अत्याधिक महत्वूपर्ण मानिन्छ ।
स्वास्थ्य अवस्था
यस नगरपालिकामा सरकारी स्तरमा ३ वटास्वास्थ्य चौकीहरु र १ शहरी स्वास्थ्य केन्द्र रहेका छन् भने निजि स्तरबाट समेट अस्पताल/नसिंङ्ग होम तथा स्वास्थ्य क्लिनिकहरु सञ्चालनमा रहेका छन् ।
शैक्षिक स्थिति
यस नगरपालिका क्षेत्रमा एउटा पथरी बहुमखी क्याम्पस, सरकारी तथा गैर सरकारी क्षेत्रमा खुलेका माध्यामिक तथा आधारभूत विद्यालयहरु रहेका छन् ।
यस नगरपालिका क्षेत्रमा इलाका प्रहरी कार्यालय – १, सशस्त्र प्रहरी बेस क्याम्प – २, र प्रहरी चौकी – १ वटा , इलाका ट्राफिक प्रहरी कार्यालय – १, इलाका बन कार्यालय – १, इलाका हुलाक कार्यालय – १ अतिरिक्त हुलाक कार्यालयहरु रहेका छन् ।